يا مدلعنا ..........يا مهيصنايا مهشتكنا..........ومرقصنا
ومخلينا ندوب فى هواك
علشان كدا احنا اختارناك
يالى سارقنا..يالى ناهبنا
يالى رضيت تضحى عشانا ..تدخل جهنم واحنا ننول الجنه
مهو م الظلم تاخدنا معـاك
علشان كدا احنا اختارناك
يا مجوعنا ومعرينـــــــا
ومخلى الدنيا تبوصلنا.. بصة عطف وتبكى علينا
بعد م كنا فراعنا شداد وبنصنع بادينا امجاد
يتعلم منا المحتاج ..........
علشان كدا احنا اختارناك
يا مطققهم ..........يالى فارسهم
يالى كاتمهم ومخوفهم
يامعرض للغرب افـــــــــاك
علشان كدا احنا اختارنــاك
يالى مخلى حياتنا نعيم ....ودافن راسنا جوه الطين
ومخلينا مش شايفين ولا سامعين ولا حاسين
غير بالمر سنين ويـــــــاك
علشان كدا احنا اختارنــاك
يا حبيبى الله يهديك..ويبارك مصرنا بيك
ونعشلك شعب وتحكمنا ..مهو من غيرنا هتحكم مين !!؟
احنا غلابه وعرفناك
وانت عارفنا ..وعرفت فولتنا ولبتنا
ليه هنغير ...ليه هندور ؟
محنا قدرك وانت قدرنا
ااااااااااه
ربنا يزيدك يا مأدرنا
شايف كيفنا ومشبعنا........ومشرفنااااا
م انا قولتلك وانت عارفنا ...بندوب فى هواك
بس سؤال محيرنى واتمنى الاقيله جواب
هو صحيح احنا الى اختارناك
؟؟؟؟؟؟؟؟؟؟
27 comments:
هههههههههه
والله شر البليه مايضحك
الكلمات جريئه ومعبره جداااا
بس طالما هايدخلنا الجنة خلاص
إخترناه إخترناه
هوه دا الميزه الوحيده للحكومه بتناعتنا
بتكفر سيئاتنا
ربنا يتوب علينا منها
اللهم أمين
اوجعتينا بكلماتك يا يارا
الي بتعبر عننا فعلا
عاوزة ارد علي سؤالك
اختارناه ما اختارناهوش
مفيش لينا خيار غيره
هو كدة
عجبك مش عجبك
هو الي مدلعنا
تحياتي
هو صحيح احنا الا اخترناه ولا هو الا اخترنا نكون شعب على مقاص حكمة؟
كلمات رائعة جعل الله لك الكلمات فى ميزان حسناتك
برافو يارا
دى حقن فى العضل
وان كانت المشكلة مين اختار
بلاش الخيار نقفل سوق الخضار
اية البوست الجامدددد دةةةةة
خدى بالك مفيش ورا الشمس مكان دلوقتى
بس متقلقيش انا هجيب لك عيش وحلاوة بالشكولاتة كمان
هعهعهعهعهعهع
لا بجد بوست رائع وجرئ جدااااا
................
على فكرة انتى مفهمتيش قصدى صح فى اخر بوست عندى
انا غبية شوية معلش معرفتش اوصل صح
خشى شوفى التحديث وقوليلى رأيك
هستناكى
والله بوست مأساه
ومش عارف أقول ايه
بس مدونتك كلها جميلة وهادفة
بس ليا ملاحظة
مش عارف هى صح ولا لأ
فى بعض الصور مش فى مصر ولا ايه
طبعا هى باقى الصور كفاية انها تعبر عن المأساه اللى احنا فيها
بس بردة انا بقول كدة من باب الشجاعة الادبية
متهيألى فى صور من العراق وكدة
ياريت تشوفى وتقوليلى
بوست رائع
تحياتى
أحمد
يا بنتى اهدى شويه
اهلك عايزينك
مشاعر حقيقية
لكن الصور فظيعة قوي
الله يسامحك
دمت بخير
انا مسلمه
من الناحيه دى اطمنى
احنا لينا الجنه فعلا
امين يارب توب علينا منها
بنت الاسلام
ادينا الحمد لله يا بطه مدلعين على الاخر
بس خلاص مبئناش قادرين على الدلع دا
كفايه بقى
محمد جمعه
مش عارفه والله يا محمد
اصل انا مكنتش موجوده وقتها
بس قريب هنلاقى جواب
مروه
هههههه
لالا اذا كانت بالشكولاته يبقى اروح وانا مطمنه
يعنى هيحصل اى اكتر من الى بيحصل
استاذى الغالى
دكتور زهران
هفضل اقولها ..فى الاول وفى الاخر الفضل لحضرتك وكفايه اقول انا تلميذه فى مدرستك
مرورك دا لى مكانه كبيره عندى
بالنسبه لسوق الخيار ههههه
عندك حق بلاش منه خااالص
احمد
فعلا دى صورة لمجازر العراق
بس الى تحت الصوره
يا مطققهم ..يالى فارسهم
انا اقصد مطقق العرب كلهم مش احنا المصرين بس
مهو انا اصل لما اطاطى راسى للغرب واقولهم يلا يا حبايبى اعملوا الى انتوا عاوزينه
ددبحوا فى الفلسطينين وادخلوا العراق ولبنان...
وانا هقف بعيد ومش هتكلم
الارض ارضكم والحق عندكم
واروح ابخ ثم فى ودان صحابى واكتمهم واخوفهم
واذا حد رفع الرايه وقال انا هقف قصادهم
اقوله تؤتؤ دى مغامره غير محسوبه
اوعى تعمل كدا تانى
ولما اسرائيل دى امر انه الحجاج الفغلسطينين يتعلقوا فى رفح ومحدش يعدى
وانا اقول
طيب وحاضر
يبئا انا فعلا استحق الاختيار
م انا قولتلك هو الى مشرفنااا
tar7elba7r
ماشى
صاحب المضيفه
انا حاولت اختار اقل الصور بشاعه
عشان بجد مش عاوزه اوجع قلبكم
هههههههههههههههههههههه
ايه الجمال ده
فكرتينى باغنيه اخترناك
بس بتاعك اجمل
و اصدق
غلا بيعناه ولا اخترناه
نجح ازاي سبحان الله
هههههههه
شر البلية ما يضحك صراحة
أنا عن نفسى
لا اختارته و لا بقبله
ربنا يهديه أو ياخده
د.حمـــــــاس
محمد مارو
شكرا على مرورك لاول مره
بس انت م قولتليش اخترت ولا م اختارتش ؟؟
................
اضراب
اهو
قدر ربنا
ربنا يلهمنا الصبر
.......
د.حماس
د.حماس
ياااا غريبه
مع انى شوفت واحد فى الخمسه وسبعين مليون بيقبله
شكرا على المرور
تحياتى
جميله الكلمات ومعبره عن خمسه وسبعين مليون مصرى او يزيد قليلا
والله يا اختى انا مخترتش حد
من يوم ما عينى شافت النور
وانا لاقياه زى ما هو كدا
كلمات رائعة جدا
و معبرة
بس بيني و بينك لو عايزة تعرفي مين بيختار مبارك
انا بختاره
و اقلك لية
اصل ما ينفعش بعد سبعة و عشرون عام من العبودية و الظلم ان اطالب بالحرية فلن اشعر بها
لن اشعر بطعمها لاني لا ادركه
كيف بعد هذه الاعوام الطويلة من الرق و العبودية ان اطالب بتقطيع صك عبوديتي و اطالب بالحرية كيف ذلك لا لن افعل ذلك فانا لا اعرف ما هو معني الحرية و ما هو طعمها لقد نسيته و نسيت كل احساس بالانسانية كيف اطالب بما نسيته
الكلمات جريئة وجميلة وجت على الجرح
بس أنا شايف إن هو اللي اختارنا مش احنا اللي اخترناه
ويطلع مين الشعب ده عشان يختار ولا يتكلم
يااه انت لسه مش غيرت الموضوع و الصور الصعبه دى ؟
دى رابع مره ادخل اشوف فى جديد و لا لاء و برده هو هو
shams
كلامك بيفسرلى لى احنا بقينا على الحال دا دلوقتى
بس احنا لسه بردوا حاضنين املنا
Post a Comment