الحقيقه مش عارفه هبدأ الموضوع منين
بس هبدا لما ابتديت ابحث عنه واسمع عن الموضوع
فى البدايه قريت عن الموضوع لما كتب عنه شمس فى مدونته مصرى للنهايه
كنت زى ملاين اعرف انه اليوم الى صرح فيه الرئيس مبارك اننا خلاص استرددنا اخر شبر لينا فى الاراضى المحتله
ووقتها رقصنا وغنينا ....."سينا رجعت كامله لينــــــــــــــا ومصر اليوم فى عيد"0
النهاردا ..تصدق او لاتصدق
ارض مصريه محتله من الصهاينه منذ عام 1949
هى قرية الحجاج والى اصبحت بعد كدا ام الرشراش والان هى قطعه من اسرائيل ودخلت ضمن حدودها وسجلت بالخرائط العالميه على انها ميناء ايلات
وزير خارجيتنا ابو الغيط صرح بان ام الرشراش لا تدخل ضمن الاراضى المصريه وفق اتفاقى 1906و1922
احنا بنرد على تصريح ابو الغيط تذكيرا باعلان الرئيس مبارك عام 1996 فى خطاب رسمى اعلن فيه بان ام الرشراش مصريه وكرر
مطالبة لاسراتئيل عام 1985 بالتفاوض حوال ام الرشراش
انا مش هتكلم عنهابتفاصيل كتيرلكن لو اى حد شايف ان الموضوع يستاهل البحث يجمع معلومات عنها ويفهم وهيتاكد بنفسه انها ارض مصريه
المشكله دلوقتى اننا بعد م نعرف ونتاكد
اى الى هنعمله!!0
هنعرف ونسكت ..يترى خلاص بقينا الجيل الذى تم تغيبه وابعاده عن الحقيقه
يترى فعلا نجحت الحكومه والاعلام المصرى انها تنسينا وتتناسى الموضوع وحتى لا نفكر بالفعل فيها فندعمها كقضيه شعبيه ؟؟
لعدم رغبتها فى فتح ملف الحدود مع اسرائيل او بصوره اوضح خوفا من التورط مره اخرى فى صراع مع الدول العبريه والذى قد يضر بمصالح مصر من وجهة نظر الخارجيه خاصة بعد السيطره الامريكيه الكامله على المنطقه وعدم الرغبه المصريه من انها تزعل
حد منها ؟؟؟؟؟؟؟؟؟؟؟؟؟؟
دى صوره لمقبره جماعيه كشفتها"جماعة الاقصى لاعمار المقدسات الاسلاميه"
فى مدينه ام الرشراش المصريه "ايلات للاسف"0
هى مقبره لجنود ومدنين مصرين قتلتهم القوات الاسرائليه
بعد اكتشاف المقبره اعلنت جريدة المصرى اليوم عن حمله لجمع مليون توقيع لاستعادة ام الرشراش
النهاردا ياتريت نعيد من تانى الحمله دى
نقول بصوت عالى دى ارضنا
انا مش هقول انه بطالب بعودتها دلوقتى ولكن اتمنى اننا نعرف ان فيه ارض مصريه مازالت محتله
على الاقل م ننساهاش ويبقى عندنا امل انها فى يوم هترجع لنا
بعد كدا نطالب بيها كلنا
ان كان الاسرائليون دايما فى مشوارهم للبحث عن حقوق وهميه من خيالاتهم مستخدمين فى ذلك اساليب الاغتصاب والقتل والتدمير للحصول على تلك الحقوق
فهل لنا ان نبحث عن حقوقنا الفعليه التى ضاعت ؟؟
يترى حد شايف اننا نقدر نرجعها تانى
!!!!
12 comments:
السلام عليكم
انا فعلا سمعت عن الموضوع ده قبل كده بس مكنتش مصدق ان نظامنا ممكن يخدعنا فى حاجه زى دى يا نهار ابيض يعنى سينا رجعت ناقصه لينا ويقولولنا سينا رجعت كامله لينا ؟
انا معاكى احنا لازم نجدد مطالبتنا باى ارض لينا مغتصبه على الاقل يكون معروف لدى الاجيال القادمه ان ليهم ارض مغتصبه ويسعوا لاسترجاعها
شكرا على المعلومات الجامده دى وعلى الموضوع المهم
ماشاء الله
انتى اللى صحفيه بجد
مواضيعك هايله
ماشاء الله
تحياتى
بحبك يا مصر
يللا بقى قلمك معانا
نكتب كلنا عنها
نعرف كلنا ان لينا حق ونقول عاوزينه
مستنينك
تحياتى
حسام يحيى
شكرا لمرورك
بس انا مصممه انت الى صحفى بجد
تحياتى
هى بس ام الرشراش الى ارض تحتلها اسرائيل نحسبها منطقيا السياده الطبيعيه هى حكم التصرف فى الارض حسب ما يتراء للدوله للاشف سيناء كلها وشرم الشيخ تحديدا مستعمره اسرئايليه لو عايزه تعرفى الفرق ااقولك الاسرئايلى بياخد التاشيره على الحدود والمصرى بيستنى تصريح امن الدوله
اسالى على الطفله الى اتقتل قدام بيتها برصاص قناص اسرائيلى على الحدود ومحدش اتكلم اسالى عن كتير حتلاقى انى مش هى بس الى محتلاها اسرائيل
اسالى عن مستعمره جاردن سيتى لحمايه السفاره الامريكيه والمليارات الى بتضيع على تامينها والناس الى فقدت اكل عيشها من اصحاب المحلات لانى الارض دى ممنوع المرور فيها لتامين السفاره
اسالى عن الى بيحصل فى الغردقه وانى المصرى بيمشى مشتبه فيه
دورو على اصحاب البيوت الى اتشالت فى الاقصر علشان الفيو يرضى الاجانب كل دى للاسف مناطق مصريه اسما سيادتها اجنبيه لانى الاستقلال سياده واحنا كمصريين مالناش سياده على ارضنا دى
وحسبى الله ونعمه الوكيل
اولا بحييك لفتح الملف
بس بجد خايف عليكي
طبعا ابو الغيط ده بتاع فول لا اكثر
ومبارك خان وباع ولد وبنات البلد فسهل انهوا يبع تراب البلد
مش هو ده اللي هيفرق معه اصلا
بس صدقيني المعركة بينا وبينهم معركة وجود مش معركة حدود
يعني ام الرشراش
لو رجعت مش هو ده النصر
النصر ان الناس اللي عايزة تصلي في الاقصي تصلي بامان
النصر اننا مش نعيش اغراب في بلدنا بسببهم
النصر اننا مش نلاقي حد يمنعنا حتي اننا نموت عشان بندفع عن ارضنا
طبعا احمد ابو الفيط كسلفه احمد ماهر من اكثر الشخصيات اللي بكرها
وعمر الارض ديه ما هترجع عن طريقه
الارض هترجع
لو بقي فينا الف صلاح
والف بيبرس
وشكرا لكل الكشافات اللي بتنوريها ديه
rرئيس جمهوريه نفسى
اكيد مش محتاجه اسال عن كل دا
انا عايشه وشايفاه وعارفاه بنفسى
بس انا كل الى بطلبه
على الاقل يكون عندنا علم
ان لينا حق ضايع
ونطالب بيه
حتى لو مش هيرجع
بس نبقى عارفين وفاهمين
يمكن دى تكون بدايه اننا نتحرك ونرجع البلد الى ضاعت وم بئتش بلدنا
ساعد نسرين الايمن
احنا دورنا ندور فينا عن صلاح الدين وعن بيبرس
وان شاء الله نوصل للنصر الى بنتمناه ويرضينا
خارج عن نطاق الموضوع
احب اقول مبرووووووووووووووووووووووك يا ياااااااااااااااااااااارا
عقبال الماجستير
ربنا يخليك
ويبارك فيك يا مارو
ويجى الوقت الى نفرح فيك
ونعملك الفرح بنفسنا
يارب
السلام عليكم
اعتقد انو الواجب ليس عودة
ام الرشراش وليس عودة فلسطين
بل ان العقيدة الاسلامية تأمر
بالجهاد لتحرير الاندلس "أسبانيا " حاليا ومن ثم نشر نور القران في جميع انحاء العالم
الحكاية مش مدينة هان او هناك
نريد مراجعة الحسابات للتاريخ الاسلامي بأكمله وليس لام الرشراش فقط
جزيتم خيرا
تحياتي
خطير جداا الكلام دا وللاسف معلوماتنا فيه بسيطة
ولازم نبحث ونحاول نعرف كل الحقيقة عنه
شكراا على البوست المهم
Post a Comment