زعلانين من بابا حسنى ليه؟؟ هو الراجل هيعمل ايه ولا ايه!!!!

زعلانين من بابا حسنى ليه؟؟ هو الراجل هيعمل ايه ولا ايه!!!!.0

مش كفايه شال الدعم عشان تعتمدوا على نفسكوا !!!!!!!! 0
مش كفايه علمكم النظام وبتقفوا طابور على رغيف العيش كل يوم الصبح
مش كفايه عملكوا دماغ بالحشيش والبانجوا عشان م تفكروش وتشغلوا بالكوا!!
صحيح كل حاجه بقت غاليه بس اهوه فتحلكم البنوك تاخدوا منها القروض ولو م عرفتوش تسدوا ...عملكوا السجون (مش هيرميكم فى الشارع )
صحيح الراجل هيعمل ايه؟؟؟!!
مش جاب السموم حطها فى الخضار والفاكهه عشان يلاحق عليكم (م انتوا الى بتاكلوا كتير )
وبعدين عملكوا مستشفيات تعالجكم من الى هيحصلكم .
اهوه مستشفيات الفشل الكلوى والكبد الوبائى ومستشفى السرطان ........يعنى الراجل م بيجبش الداء الا م يعمله الدواء (يعنى الراجل بيقولك اعيا و م يهمكش)وادى احنا والحمد لله كلنا عيانين ..........وقول يارب
طيب الاطفال ..........الطفل بيكره اللبن جبلهم الشبسى والدولسى........الخ والمصانع شغاله ليل ونهار ..........بيدور على الى انتم بتحبوه
هيعمل ايه؟؟؟
طيب شوفوا عمل ايه لما اسرائيل كل يوم بتموت على الحدود خمس او ست عساكر .....بعت يعزيكم(يعنى الراجل فاكركم مش ناسيكم)
وبعدين قال للى قتلوكم م تعملوش كدا تانى فى قرار جرئ
وشوفوا الراجل ليه نظره بعيده .........نصح صدام وصدام م سمعش الكلام ...شوفوا جراله ايه
اتعلموا بقى ....اتعلموا السياسه
طيب مثلا حسن نصر الله بتاع حزب الله الى بيقولوا عليه ده
لما دخل حرب مع اسراتيل ........قاله بالفم المليااااااااااااان دى مغامره غير محسوبه ..ولما حسن نصر الله كسر انف اسرائيل راح الراجل خد بخاطر اسرائيل وقالهم دول شوية متهورين واحنا هننصحهم معدوش يضربوكم تانى ........راجل بيدافع عن الديمقراطيه
لما حماس نجحت فى فلسطين بانتخابات حره نزيهه من غير تزوير على غير العاده من طبعنا
حس ان فيه حاجه غلط ..ازاى حماس تنجح من غير تزوير ؟؟حس بالغلط
وقف ضد الشرعيه بكل قوته ضد حماس
يعنى راجل واااااضح
لابيلف ولا بيدور

طيب شوفتم الراجل بيتعب اد ايه .....ززعمركم شوفتم رئيس راح مطش كوره ولا راح يحبس نفسه فى شرم الشيخ عشان يعرف يفكرلكم فى قرارات جديده ويشوف مصالحكم؟!!!

دا غلا كل حاجه عشان تعرفوا قيمة الدنيا والله م ساب حاجه الا م غلاها عشان مفيش حاجه تزعل تبقى حاجه رخيصه وحاجه غاليه

الراجل فتح باب الرشاوى ولم كل الاغنيا والحراميه واصحاب الاموال الكتييييييييييييير حطهم ادامهفى الحزب وخلاهم كوادر عشان يبقوا قدام عنيه والى يسرق يسرق قدامه م يدحكش عليه ويسرق من وراه
يبقى راجل واعى ...فاهم
عاوزين ايه ؟؟؟؟؟؟ظالفقير زاد فقر والغنى زاد غنى عشان الفقير يعتز بقره والغنى يعتز بغناه
يعنى هيغيرلكم من طبيعتكم ؟؟؟؟؟؟؟
ولا موضوع البطاله ............الراجل عاوز يريحكم من الشقا والتعب هتشتغلوا ليه ؟؟؟؟؟؟؟؟
وحجات كتيرررررر لو قعدت اتكلم فيها لبقيت السنين الى هعشها ..مش هقدر اعد انجزاته

وادى انتم شايفين ماما سوزان هى كمان مش سايبه من جهدها جهد وقادة حركة الامومه والطفوله ورفعت شعار القراءه للجميه
وأدى انتم شايفين اطفالكم مهيصين ..مدلعين..جعانين ..بردانين....عشان يحسوا بالدنيا
دا انتم شعب طمااااااااع
وبعد دا كله
عاوزين من بابا حسنى ايه ....هو الراجل بس هيعملكوا ايه ولا ايه !!!!!!0