مجموعة اسئله قالولى عليها اسمها تاج
الاسئله حلوه ..عجبتنى
التاج الاول مررهولى شمس
والتاج التانى..تاج الصباغ مررهولى شمس بردوا واحمد(عابد الرحمن )1
نبتدى..بسم الله
دخلت مجلس الشعب من اوسع ابوابه ..ايه هو رمزك الانتخابى
الميزان
كنت تفضل الدخول مستقلا او تتبع حزب معين ؟؟
مستقل ...هعمل اى بحب عيشة الحريه
دخلت مستقل ..هل توافق على التوقيع للحزب الوطنى بعد نجاحك كمستقل ؟؟
انا لا بؤمن بالحزب دا ولا باى حزب
اول حاجه هتعملها لنفسك ولاسرتك؟؟
لنفسى
هعرف بيسرقوا الفلوس ازاى ومنين
السؤال دا محيرنى اوى ...واما هعمل زيهم او هقف قصادهم
على حسب ضميرى بقى ساعتها
اما بقى اسرتى ..كفايه انه هيبقى واحده من العيله فى مجلس الشعب ودى تديهم وجهه اجتماعيه كويسه
ايه المشروع الى ناوى تعمله لاهل دايرتك ..دون ذكر اسم الدائره؟؟
تنقية مياه الشرب
رغيف العيش يوصل للمواطن لحد البيت زى زمان م يبئاش الحصول عليه بالذل والاهانه
دورة مياه فى كل حاره
قعدت فى المجلس جنب نائب مميو مين هو ؟؟
نائب من الاخوان المسلمين
قدمت سؤال للحكومه ايه هو السؤال؟؟
وديتوا ميزانية الدوله ومواردها فيييين ؟؟؟ وفين حق الشعب والبسطاء خاصة منها ؟؟
طلب احاطه موضوعه ايه ؟؟وبتقدمه لمين؟؟
طلب احاطه للحكومه عااامه
هطبطلوا سرقه امته عشان أبلغ اهل دايرتى والناس الى انتخبونى انه فيه امل ؟؟
استجواب لاتنين من الوزراء موضوعه ايه ؟؟وبتستجوب مين ؟؟
اتنين بس !!!ماشى
وزير الداخليه
ليه يا سيادة الوزير ظابط الشرطه كارت ارهاب للمواطن وليس حمايه ليه!!؟
وزير الشباب والرياضه
الشباب المصرى محتاج يمارس الرياضه مش محتاج يتفرج على الكوره
مراكز الشباب حبر على ورق ..مبانى وحيطان.. ليس بها اى نشاط للتربيه البدنيه
اين شباب مصر مصر يا سيادة الوزير؟؟
منتظمون بصفه دائمه على وزارة الصحه والمستشفيات
لماذا لم ينتظموا فى مراكز الشباب ؟؟
وزير التموين
متى ستكون موارد وزارة التموين صالحه للاستخدام الادمى ؟؟
انت مع الخصخصه ؟؟
انا لاضد الخصخصه ولا ضد القطاع العام
الاتنين بيكملوا بعض
هل انت مع قصع العلاقات مع اسرائيل ؟؟
طبعاااااااااااااااااااااااااااااااااااااااااا
عاوزه اقول حاجه
السادات كان عارف انه المواجهه ليست مع الدول العربيه واسرائيل ولكن بين مصر واسرائيل
لما حقق اول انتصار للعروبه وللاسلام واعلن مباردرة السلام
السلام الى كاتن عايزه السادات ليس هو السلام الذى صار عليه مبارك
سلام السادات كان ليه مباردئ تحفظ للفلسطينين والعرب كافة الحققوق
بعد وفاته تاه السلام وضل الطريق الى رسمه السادات وحافظ عليه
وفى عهده مكنتش دوله تجرؤ الاعتداء على اى دوله عربيه حتى لو اساءت اليها
بس هنعمل اى ...مش هقول ليت السادات يعود يوما
ما يترتب عليه من معاملة العدو ..هل تؤيد الحرب على العراق ؟؟
اولا م ينفعش يكون فى تدخل اجنبى فى الشؤن العربيع
واذا كانت فى مشكله او تجاوزات من اى دوله عربيه فالمشكله
عربيه ......عربيه
ومش من حق امريكا ولا غيرها انها تدخل
لو كان فى زعيم زى السادات او عبد الناصر مكنش دوه زى امريكا تدس انفها القذر فى ارض العروبه
هل تؤيد مرور الامريكان فى القناه؟؟
القناه مجرى ملاحى لكل العالم
ولكن لا اوؤيد عبور الدبابات وحاملات الطائرات وترسانة الاسلحه للاعتداء على دوله عربيه او اسلاميه
دا يتحسب فى قائمة العااااااار
###############
تاج الصباغ
........................
هل توافق على حذف خانة الديانه من البطاقه الشخصيه؟؟
لا طبعا
العقيده جزء لا يتجزأ من الكيان الانسانى ..واقصد العقائد السماويه
حذفها انكار للانسانيه وانكار للذات ومحو للكيان
هل تعتقد بوجود اضطهاد مسيحى فى مصر؟؟
اى فئه اقليه فى اى مجتمع بتشعر بالاضطهاد
زى مثلا
الاهلاويه والزملكاويه
الزملكاويه لانهم اقل بيشعروا دايما بالاضطهاد وظلم الحكام
معلومه على جنب كدا (على فكره انا زملكاويه )0
من هو الشخص الذى تختاره لرئاسة مصر
عمرو موسى
اذا قمت بتأسيس الحزب السياسى ..من هم الاشخاص الذين ستقوم بضمهم؟؟
د.محمد سليم العوه_ابراهيم عيسى_حمدين صباحى_الى هقابلهم فى طريقى يحبوا بلدهم ويستحقوا يبئوا مسؤلين ليها
هل توافق على مشاركة كل من الاخوان المسلمين والاقباط فى الحكم؟؟
طبعا كلنا نسيج واحد وهمومنا واحده
هل تعتقد ان توريث الحكم سيتم فعلا ؟؟؟
لو هموت ..مش هيحصل
فى رايك الشخصى ماهو افضل انجاز لحكومة مبارك؟؟
يعنى اكيد طبعااااا مش هقدر اعدها واحصيها
بس ممكن نقول اكبر انجاز
انها استمرت 27 عام وفازت بلقب اطول حكومه بعد حكم محمد على
وما هو اسوأ عمل قامت به ؟؟
انها ناويه تحتفل بعيد ميلادها 28 وهى على راس الحكم
فى رأيك الشخصى .. ما هى أفضل مدونة على بلوجر قمت بزيارتها
مدونات كتير بتحمل هدف استفدت منها كتير
ناس بتكتب فكر وبتوصل رساله
بتنقد وبتقول رايها بصراحه
احيانا بتزعق وبتقول اه
احيانا بتدحك وبتوصل ابتسامه للناس
فى كل كلمه بيقولوا احنا ضد الظلم ومش خايقين
كتير دخلت وقريت وبجد ارتحت واتبسط وحست انه فينا لسه امل
مش هقدر اقول اسامى وانسى اعذرونى
للإناث فقط : هل توافقين على الزواج من رجل مطلق
ادونى مهله افكر
اذا تزوجت وأنجبت ولدين وبنتين .. أى الأسماء تحب أن تسمى ؟
بنتين هسمى بيبسى وكولا
ولدين..احمد وبسطويسى
اخيرااا الى من تمرر هذا التاج؟؟؟؟
لكل الى يحب يجاوب على
تحيااااتى
8 comments:
اجاباتك لذيذة جدا
و تدل على نزعة ايمانية متأصله
و شكرا على قبولك التاج
بس ابقى فكري تاني في موضوع الاخوان
اجابات حلوه وجميله
وانا قبلت التاج ولو انه تدبيسه
بس مش مشكله
شكرا
اولا مبروك عليك التاج واجاباتك حلوه
وحلوه اوى الاستجوابات بتاعتك
تحاتى لك ولاء
يارا اجاباتك رائعة بجد
وفعلا بتعبر عن شخصية جميلة جواكي
يارب اشوفك نايبة
واشيل بنتك بيبسي بايديا
تحياتي
shams
شكرا لكلامك والعفو على شكرك
وانا عند اتفاقى
تحياتى
بحبك يا مصر
يعنى انا ادبس فيه لوحدى ولا اى
لا طبعا
بس الحمد لله انت جاوبت بصدق و التدبسيه عدت على خير
تحياتى
walaa
مرسى لكلامك يا ولاء
وبجد شرفتينى
كنت اتمنى تكون الاستجوابات بجد
عشان الاسئله دى فعلا محيرانى
تحياتى
بنت الاسلام
يللا يا بطوط انتى بس ادخلى
وهتلاقينى وراكى علطول
لو هتكونى حزب المرأه م تنسينيش فيه
تشيلى بنتى بيبسى ...م يحرمنيش منك يا بطوط يارب
Post a Comment